«Поэзия падишасы» (Ф.Оңғарсынова) атты әдеби кеш

Еңбекшіқазақ ауданы әкімінің аудандық кітапханасы
Қазақстанның Халық жазушысы Ф. Оңғарсынованың шығармашылығымен таныстыру, поэзияға, Отанға, тілге, мәдениетке, қазақ халқына деген сүйіспеншілікті арттыру мақсатында Шелек модельді ауылдық кітапханасының ұйымдастырумен Абай атындағы қазақ орта мектебі жанындағы интернаттың мәжіліс залында «Поэзия падишасы (Ф.Оңғарсынова)» атты әдеби кеш өткізілді. Жиналғандар «Жас әдебиетшілер» клуб мүшелері, тәрбиешілер мен тәрбиеленушілер, шақырылған қонақтар, барлығы – 60 адам. Фариза Оңғарсынованың өмірбаяны, шығармашылығы жайында біраз мәліметтер айтылды, сонымен қатар «Жас әдебиетшілер» клубының мүшелері ақынның Отан, туған жер, ата – ана, ұстаз тақырыбындағы өлеңдерін оқыды. Мәдениет үйінің әншісі Бақтияр Сұлтан М.Мақатаевтың сөзіне жазылған, «Қазағым – ай», сондай – ақ басқа да әндерді орындап кешті жандандырды. Кеш соңында қонақтар пікірлерін айтып, толғаныстарымен бөлісті.

Реклама